2021, bagetitë në “rënie të lirë”/ INSTAT konfirmon reduktim të ndjeshëm të numrit të tyre
Vit pas viti, blegtoria në vendin tonë po njeh vetëm rënie. Të dhënat zyrtare të INSTAT flasin për një reduktim me shpejtësi të numrit të bagëtive gjatë 2021.
Vitin e shkuar në Shqipëri u regjistruan rreth 26 mijë krerë gjedhë më pak, krahasuar me 2020.
Në zbritje është edhe numri i të leshtave, të cilat nga 1.55 milionë që ishin në 2020, janë reduktuar në 1.48 milionë.
Për shkak të rënies së numrit të lopëve, dhive dhe deleve, në vend u prodhua më pak mish e qumësht, duke i hapur rrugën produktit të importit.
Ekspertët e konsiderojnë këtë situatë si alarmante dhe shpjegojnë se në këtë rënie kanë ndikuar braktisja e zonave rurale, veçanërisht nga moshat e reja dhe mungesa e skemave mbështetëse efektive nga qeveria.




