Ambasadorja e SHBA-së, Yuri Kim përkujtoi 11 shtatorin e vitit 2001, ditë e ngulitur në mendjen amerikanëve për shkak të sulmeve terroriste që u mori jetën mijëra njerëzve.
Përmes një postimi në rrjetet sociale, Kim u shpreh se ata që humbën jetën nuk do të harrohen kurrë, njësoj siç nuk do të harrohen edhe miqtë shqiptarë që qëndruan pranë në ditët e vështira.
“Ne asnjëherë nuk do të harrojmë ata që humbën jetën më 11 shtator, 2001 dhe ata patriotë që dhanë jetën për të mbrojtur vendin tonë. Ne gjithmonë do të kujtojmë miqtë dhe aleatët, si shqiptarët që qëndruan pranë nesh. Krah për krah”.
