Një ngjarje e rëndë ka ndodhur në Tiranë pak pas mesnate. 18-vjeçarja Natalia Murtati u vetëplagos me armë zjarri në gjoks. Ngjarja ndodhi te hotel “Gjuta” në Sauk.
Adoleshentja i është nështuar operacionit dhe fatmirësisht ndodhet jashtë rrezikut për jetn.
Lidhur me këtë ngjarje policia ka arrestuar dy persona dhe ka shpallur në kërkim tre të tjerë.
Në pranga kanë rënë Vladimir Gjuta dhe Mirvete Gjuta, ndërsa në kërkim u shpallën Sajmir Gjuta, Erisjaldo Gjuta dhe Elvir Gjuta.
Erisjaldo Gjuta, është i dashuri i 18-vjeçares.
Gazetari i Vizion Plus, Esido Barkaj ka siguruar dëshminë e anëtarëve të familjes gjuta të cilët tentuan që të fshihnin krimin.
Të marrë në pyetje, anëtarët e familjes Gjuta, kanë deklaruar paraprakisht se vajza mund të vdiste dhe për shkak se tentativa për vetëvrasje ndodhi në biznesin e tyre, kishin frikë se do t’u faturohej atyre autorësia.
Vajza ka qenë vetëm në dhomë të gjumit kur ka marrë armën dhe ka qëlluar veten.
Sajmir dhe Erisjaldo Gjuta kanë qenë jashtë dhe kanë dëgjuar të shtënat. Kur kanë hyrë të dhoma kanë parë vajzën të vetëplagosur dhe kanë thirrur edhe anëtarët e tjerë, Mirvete dhe Vladimir Gjuta dhe kanë vendosur që të pastrojnë vendin e ngjarjes, kanë marrë e fshehur armën, kanë larë gjakun ndërsa Mirvetja me Elvirin janë nisur me makinë për ta dërguar në spital dhe janë porositur të deklarojnë që “vajzën e kanë gjetur të shtrirë te rrethi i Ekonomikut”.
Pas hetimit, rezultoi se vajza në fakt ishte vetëplagosur në hotelin e tyre. Më herët, 18-vjeçarja dyshohet se ka tentuar edhe herë tjetër për t’u vetëdëmtuar./vizionplus.tv
