Një drejtues autobusi ka rënë në prangat e policisë mëngjesin e kësaj të shtune pasi iu konstatuan 15 pako me kanabis në formë çokollate.
Droga e përpunuar si çokollatë, ishte nisur nga Tirana në drejtim të Tropojës, me autobusin e kësaj linje. Ky i fundit drejtohej nga 43 vjeçari Alban Ismalaj.
Nga operacioni i kryer në kurbin, u zbulua se droga gjendej në pjesën e bagazheve dhe pas peshimit rezultoi se ishte rreth 3.1 kilogramë.
Operacioni i koduar “Linja”, ishte një bashkëpunim i policisë së Lezhës dhe forcave të posaçme Shqiponja.
