Adoleshentja që u shpall e zhdukur pasditen e kësaj të premtje në Tiranë, është gjetur pas katër orësh në një qendër tregtare pranë “Zogut të Zi”.
Përmes një prononcimi për mediat drejtori i Policisë së Tiranë, Rebani Jaupi ka bërë me dije se nuk bëhej fjalë për një rrëmbim, por 13-vjeçarja kishte shkuar për të pirë pije freskuese me një grup shokësh dhe shoqesh.
Informacionet ndër të tjera bëjnë me dije se 13 vjeçarja ka deklaruar në polici se historinë e rrëmbimit e e kishte trilluar, për të kaluar disa momente me shoqet, pasi familja nuk e linte.
NDërkohë prej katër orësh policia e Tiranës u vu në alarm lidhur me këtë rast duke ngritur pika kontrolli në të gjithë Tiranën, ku gjithahstu në lidhje me zbardhjen e kësaj ngjarje ishte kërkuar dhe ndihma e policisë së Fushë Krujës, Elbasanit dhe Durrësit.