Rreth 110 dosje të depozituara presin në Gjykatën Kushtetuese për t’u shqyrtuar.
Mungesa e kourumit për nisjen e shqyrtimit të këtyre çështjeve ka bërë që sekretari i Përgjithshëm I Kushtetueses, Eugen Papandile të ngre shqetësimin se ky numër mund të 10-fishohet me nisjen nga puna të Gjykatës së Lartë.
“Nuk kam shifër tamam, por diku 110. Por në momentin që Gjykata e Lartë të fillojë nga funksionimi mund të bëhet dhe 1010. Do ketë fluks të madh kërkesash dhe për këtë jam i bindur”
Papandile I bëri deklaratat teksa ishte i pranishëm në Komisionin e Ligjeve ku u diksutua buxheti i 2020 për Gjykatën e Kushtetueses.