Kryeministri Edi Rama njëherësh kryetar i Partisë Socialiste është takuar mëngjesin e kësaj të hëne me zyrtarë të lartë të OSBE-së. Në zyrën e tij në selinë e PS-së, Rama u takua me zv/presidentin e asamblesë parlamentare të OSBE-së Roberto Battelli dhe përfaqësuesin e lartë të asamblesë së organizatës ambasadorin Andrea Nothele, që shoqëroheshin nga kreu i prezencës ne Tirane Bernd Bochardt.
Gjatë këtij takimi mësohet se është diskutuar mbi përgatitjen për zgjedhjet politike. Pas takimit, që zgjati për mbi 30 minuta, përfaqësuesi i asamblesë parlamentare të OSBE-së, tha se misioni i tyre është të monitorojë procesin zgjedhor dhe se pas zgjedhjeve do të përcjellin qëndrimin e tyre. Përfaqësuesit e asamblesë se OSBE u takuan edhe me liderin e opozitës Lulzim Basha.
