Ndërsa Kosova pret liberalizimin e vizave me Brukselin brenda 2016-es, zyrtarët e Frontex kanë zhvilluar një vizitë në Prishtinë, për të diskutuar me ekspertë të Ministrisë së Brendshme lidhur me sigurinë e kufijve. Delegacioni i agjencisë evropiane është kryesuar nga zv/drejtori Bernd Koerner, i cili është takuar me ministrin Hyseni me qëllim fuqizimin e bashkëpunimit mes tyre për rritjen e kontrollit kufitar, që pritet të finalizohet edhe me një marrëveshje. Çështja e kufijve ishte problematika kryesore, bashkë me shtatë pika të tjera, se përse Brukseli zyrtar refuzoi të heq vizat me Kosovën. Shteti më i ri në Ballkan pritet të përfitoje liberalizimin e vizave brenda këtij viti.
