Zyrtare/ Vangjel Tavo shpallet kandidati i PS për Bashkinë Himarë

Vangjel Tavo është zyrtarisht kandidati i Partisë Socialiste për Bashkinë Himarë, sipas vendimit të marrë mëngjesin e kësaj të hëne në mbledhjen e kryesisë së PS, mëson gazetarja e Vizion Plus, Enkelejda Mema. Pas kësaj mbledhjeje, kreu i qeverisë, Edi Rama, pritet të niset drejt SHBA, ku do të marrë pjesë në samitin e NATO-s.

Zgjedhjet për Bashkinë Himarë do të mbahen me 4 gusht, kjo pasi Komisioni Qendror i Zgjedhjeve vendosi se ish-kryebashkiaku i zgjedhur, Fredi Beleri, nuk mund të ushtronte këtë funksion.

Në këtë mënyrë, partitë politike do duhet të “ndezin motorët” në garën për Bashkinë Himarë.

Nga ana tjetër, opozita nuk ka ende një emër që do të jetë kandidati përfaqësues i saj./vizionplus.tv/