Jahmir Hyka ka qenë njeriu i ndeshjes në takimin që skuadra e Lucernës zhvilloi ne shtëpi kundër Grashorpers nga Zyrihu i vlefshëm për javën e dytë të kampionatit zviceran te futbollit një ekskluzivitet i paketës Tring. Tiranas ka marrë një penallti ne minutën e 33 të kthyer ne gol nga australiani Juric. Me pas ka shkëlqyer ne minutën e 45 kur me një depërtim fantastik ka finalizuar me të djathtën, duke i çuar shifrat ne 2-0. Por Grashopers rikthehet ne pjesën e dyte dhe arrin te barazoje rezultatin brenda 2 minutave me gola te Andersen dhe Kajos. Por Lucerna ka Hykën ne radhët e saj qe fillimisht ekzekuton një goditje dënimi në mënyrë perfektë dhe topi mes rrëmujës dërgohet ne rrjetën e vet nga Basic dhe me pas depërton ne mënyrë marramendëse nga e djathta dhe kroson per Juric qe nuk gabon. Miqtë rikthehen edhe njëherë në fund me Kajon por nuk mjafton përfundon 4-3 dhe Lucerna e sheh veten ne krye te tabelës se bashku me kampionet e Bazelit te Taulant Xhakës që fituan në transfertën e Vaduzit 1-5. Taulant Xhaka luajti për 90 minuta. Ndërkohë kane debutuar me fitore ne kampionatin rus dyshja Balaj dhe Roshi ne ndeshjen hapes te skuadrës Cecene Terek Grozni kundër Krylia Sovjetov Samara. Është dashur te vije minuta e 60 kur Roshi ka hyre ne fushe dhe I jep një tjetër hov ofensivës se skuadrës vendase. Ne një depërtim te tijin nga e djathta ai rrezohet ne zone dhe gjyqtari akordon penallti që kthehet në gol nga Grozav. Por Roshi ka patur edhe dy mundësi të tjera mjaft të mira, një në të 75 kur nuk arriti ta dërgojë në portë një top që ra në trupin e portierit mik dhe një tjetër mundësi nga jashtë zonës kur goditi ne mënyrë të gabuar. Balaj ka luajtur si titullar dhe është zëvendësuar në minutën e 83. Terek i bashkohet ne krye te renditjes Spartakut te Moskës me pike te plota.
