Edhe Tirana do ketë një “fan zone” si çdo kryeqytet europian për të ndjekur ndeshjet e europianit qe do të zhvillohen në Francë. Kryeministri Edi Rama ka publikuar videon që tregon “fan zonën”. “Përveç fushës së kryeministrisë, ja dhe edhe zona euro 2016 e Bashkisë së Tiranës për të ndjekur kuqezinjtë në betejat e tyre në Francë”, shkruan Rama në profilin e tij ne facebook. Ndërsa kryebashkiaku Erjon Veliaj, përmes një postimi po ne rrjetin social shkruan: Ju presim të gjithëve me fëmijët e familjet në “Tirana fan zone”, sheshi “Nënë Tereza” 10 qershor – 10 korrik! Forca Shqipëria!”. Kryebashkiau Erjon Veliaj fton tifozët e kombëtares që nuk kanë mundësi të jenë në Francë, ta ndjekin atë nga një ekran gjigand në sheshin “Nënë Tereza”.
