Një ngjarje e rëndë është shënuar mbrëmjen e sotme në Tiranë, ku një zjarr i rënë në një banesë dyshohet se i ka marrë jetën një të moshuari.
Sipas njoftimit të policisë, ngjarja ka ndodhur rreth orës 21:20, në rrugën Ali Demi, në katin e parë të banesës së një 72 vjeçari. Si pasojë e flakëve, dyshohet se 72-vjeçari ka humbur jetën brenda banesës.
Gazetari i Vizion Plus, Esido Barkaj mëson se i moshuari ishte me aftësi të kufizuara.
“Rreth orës 21:20, në rrugën “Ali Demi”, në katin e parë të banesës së shtetasit Th. Ll, 72 vjeç, ka rënë zjarr. Si pasojë dyshohet se ka humbur jetën 72-vjeçari.
Grupi hetimor ndodhet në vendngjarje dhe po punon për përcaktimin e shkakut të rënies së zjarrit dhe sqarimin e plotë të rrethanave të rastit”, thuhet në njoftim.
/vizionplus.tv
