Një ngjarje e rëndë tronditi mëngjesin e kësaj të premteje Brazilin.
10 fëmijë të moshave 14 dhe 17 vjeç kanë humbur jetën dhe tre të tjerë janë në gjendje të rëndë, për shkak të një zjarri në një qendër trajnimi të një prej klubeve më të mëdha të futbollit të Brazili.
Zjarrëfikësit u munduan të luftonin me flakët, por nuk arritën të shpëtonin fëmijët në qendrën e trajnimit të klubit të futbollit flamengo në Rio de Zhanero.
Ata ishin duke fjetur në konviktin e qendrës në momentin e tragjedisë.
Autoritetet ndërkohë po hetojnë ngjarjen e rëndë, ndërsa shkaku i zjarrit vdekjeprurës nuk eshte zbuluar ende.
