Forcat zjarrfikëse të Fierit, Patosit, Roskovecit, punonjës të pyjores dhe banorë të zonës i janë bashkuar aksionit për shuarjen e flakëve në masivin pyjor të Darëzezës.
Zjarri masiv i një dite më parë u shua në mëngjesin e sotëm, por në mesditë vatrat u riaktivizuan, duke u përhapur me shpejtësi në një sipërfaqe të konsiderueshme.
Terreni i vështirë ranor e ka bërë të pamundur ndërhyrjen e mjeteve zjarrfikëse, duke detyruar efektivët të përdorin mjete rrethanore. Ndërkohë, Bashkia Fier ka vënë në dispozicion një traktor me zinxhir për hapjen e korridoreve mbrojtëse.
Riaktivizimi i vatrave të zjarrit në Darëzezë ka ndodhur paralelisht me një tjetër vatër në kodrat e Zhupanit, ku edhe në këtë zonë ndërhyrja me mjete zjarrfikëse ka qenë e kufizuar. Burime pranë prefekturës së Fierit bëjnë me dije se është bërë kërkesë për ndërhyrje nga ajri.
/vizionplus.tv
