Australia ndodhet në gjendje të jashtëzakonshme, për shkak të zjarreve që kanë përfshirë një pjesë të madhe të vendit. Kryeministrja e New South Wales Gladys Berejiklian, tha se mëngjesin e së shtunës kushtet e motit mund të përkeqësohen, ç’ka do të rrisin rrezikun ndaj zjarrit.
Në varësi të situatës, autoritetet do të mund të nisin evakuimet e detyruara, ndërsa ekipet e urgjencës dhe zjarrëfikësit po përballen me flakët vdekjeprurëse në një betejë të ashpër. Kjo është hera e 3 që Nju Sauth Wales shpall gjendjen e jashtëzakonshme brenda 2 muajve të fundit.
“Ne duam të sigurohemi që po marrim çdo masë paraprake që të jemi të përgatitur për atë që mund të kthehet në një ditë e tmerrshme për vendin”
9 persona kanë humbur jetën gjatë 24 orëve të fundit. Mijëra njerëz ndërkohë janë zhvendosur në bregdet, ndërsa temperaturat shënojnë 40 gradë Celsius. Zjarrëfikësit kanë paralajmëruar banorët e vendit të zhvendosen sa më parë në një zonë më të sigurt, pasi kushtet aspak të favorshme të motit, mund të rrezikojnë jetët e tyre. Rradhë të gjata automjetesh janë krijuar në bregredin jugor të vendit.
Banorët kanë thënë për mediat se duan të zhvendosën pa ardhur dita e shtunë, dhe e vetmja gjë që duan, është të largohen sa më parë pavarësisht se nuk e dinë se ku. Në ndihmë për një evakuim sa më të shpejtë, autoritetet kanë vënë në disponizion tragete por edhe avionë për transportimin e sa më shumë qytetarëve.
