Zjarr pranë konvikteve në Korçë/ Digjen disa hektarë pyje në Kolonjë

Zjarret janë rikthyer sërish në Korçë. Këtë të enjte në afërsi të konvikteve të universitetit flakët kanë përfshirë një sipërfaqe me shkurre.

Zjarret kanë arritur deri në afërsi të ish-pishinave të këtij qyteti duke shkaktuar panik te kalimtarët dhe banorët e zonës.

Në vendngjarje ka mbërritur shërbimi zjarrfikës që ka bërë të mundur shuarjen e flakëve duke shmangur kështu dëmet.

Dyshimet e para janë për zjarrvënie të qëllimshme.

Nga dita e djeshme ka patur vatër zjarri edhe në fshatin Mbreshtan të Kolonjës, zjarr i cili ka djegur sipërfaqe jo të vogla me pisha, ah, dushk dhe lajthi.