Një zjarr ka përfshirë një banesë në Tiranë në afërsi të zonës së Alliasit, ku për pasojë një e moshuar ka gjetur vdekjen.
Sipas policisë, 70-vjeçarja Violeta Muçi ka ndërruar jetë si pasojë e asfiksisë.
\
E moshuara ishte vetëm në banesë në momentin kur ka rënë zjarri, pasi familjarët e tjerë ishin larguar për në punë.\
Shkak dyshohet të ketë qenë një shkëndijë elektrike dhe rrjeti i amortizuar i banesës.
Mësohet se 70-vjeçarja ka qenë në dhomën e gjumit kur ka shpërthyer zjarri në një nga ambientet e shtëpisë. Siç duket edhe nga pamjet, banesa është shkrumbuar thuajse plotësisht.
Viktima kishte probleme shëndetësore çka e ka bërë të pamundur që ajo të largohet në kohë për të shpëtuar .
