Zjarr në zonën pyjore mbi Sinicë, 11 punonjës të shërbimit zjarrfikës dhe 3 punonjës të sektorit pyjorë në terren për izolimin e vatrave të zjarrit.
Vatrat e zjarrit kanë përfshirë një sipërfaqe pyjore në zonën e quajtur “Lëndina e Madhe”, mbi fshatin Sinicë, në Devoll.
Pas njoftimit për flakët, drejt zonës janë nisur 11 punonjës të shërbimit zjarrfikës dhe 3 punonjës të shërbimit pyjor, të cilët po punojnë për izolimin dhe neutralizimin e zjarrit.
Ndërhyrja vijon në terren, ndërsa ende nuk dihet sipërfaqja e përfshirë nga flakët dhe as shkaku i rënies së zjarrit. Shërbimet po monitorojnë situatën për të parandaluar përhapjen e mëtejshme.
