Një zjarr i madh ka rëne ne oret e para të mëngjesit ne një servis makinash në Pogradec.
Policia bën me dije se rreth orës 04:00 në fshatin Leshnicë, Pogradec, në rrethimin e jashtëm të servisit në pronësi të shtetasit G. P., ka rënë zjarr dhe për pasojë janë djegur 6 automjete të cilat jepeshin me qira. Dëme në njerëz nuk ka, por vetëm dëme materiale.
Nga të dhënat e para, dyshohet se zjarrvënia mund të ketë qenë e qëllimshme.
Nga kamerat e sigurisë janë parë persona të afrohen, dhe të kenë hedhur benzine mbi mjetet duke u venë zjarrin. Dyshohet që autorët janë më tepër se 2 persona, te cilët nga ana e policisë po punohet për t’i identifikuar.
Grupi hetimor po punon për sqarimin e plotë të rrethanave të ngjarjes.
