Një zjarr ka rënë në një furrë buke në qytetin e Beratit, në lagjen “Dëshmorët e Kombit”.
Flakët janë parë nga punëtorët në një nga dhomat e pjekjes dhe më pas zjarri është përhapur me shpejtësi në të gjithë furrën.
Punonjësit dhe pronari i furrës kanë njoftuar menjëherë forcat zjarrëfikëse.
Edhe pse kanë mundur të lokalizojnë flakët dhe të shuajnë zjarrin, pjesa me e madhe e furrës është shkrumbuar totalisht.
Fatmirësisht, nuk ka të lënduar, pasi punëtorët kanë dalë shpejt, por dëmet e shkaktuara janë tepër të mëdha.
Zjarrëfikësit janë duke punuar për të zbuluar shkaqet e zjarrit. Paraprakisht, mendohet të jetë shkaktuar nga një qark i shkurtër elektrik.