Nje zjarr i përmasave te mëdha i rene ne pyjet pranë nje qyteti kanadez ne Alberta ka detyruar autoritetet te evakuojnë rreth 80 mije banore te rrezikuar. Flaket te ndihmuara nga era janë përhapur me shpejtësi drejt banesave dhe kane shkatërruar dhjetëra shtëpi dhe ndërtesa. Por pavarësisht përmasave shqetësuese te zjarrit, nuk raportohen viktima. Rreth 100 zjarrfikës jane angazhuar ne shuarjen e flakëve, te mbështetur edhe nga helikopterët. Si pasoje e evakuimit ne qytetin Fort Mcmurray janë shënuar radhe te gjata te automjeteve qe transportonin banoret e larguar, pasi rruga kryesore u mbyll per shkak te flakëve. Disa prej banoreve mes lotëve rrëfyen se kishin humbur gjithçka nga zjarri. Kryebashkiakja e Alebrtas tha se ky ishte evakuimi me i madh ne histori ne ketë zone dhe se prioritet mbetet strehimi i banoreve te larguar neper kampet e ngritura. Sipas meteorologëve, thatësira e kohëve te fundit dhe era ka ndihmuar ne përhapjen me shpejtësi te zjarrit.
