Pas bllokadës që kongresi i ka bërë fondit prej 1.9 miliardë dollarësh që do të shkojnë për kërkime të ilaçit, i cili parandalon virusin Zika ka reaguar presidenti amerikan. Barak Obama ka thënë se vendi mund të përballet me probleme të jashtëzakonshme në të ardhmen nga rreziku i këtij virusi. Qëndrimi i ashpër i Obamës vjen në një kohë kur 300 gra shtatzëna në SHBA janë diagnostikuar me këtë virus, ndërsa OBSH e ka vendosur Ziken në prioritetet e saj. Virusi shkakton kufizime në zhvillimin mendor të foshnjës, ai përhapet nga pickimi i mushkonjave.
