Virusi Zika, i cili ka shpërthyer ne Amerikën Latine përbën një kërcenim global për shëndetin e njerëzve, ndaj dhe kërkon një reagim të menjëhershëm. Ky është qëndrimi i Organizatës Botërore te Shëndetësisë, e cila ka mbajtur një mbledhje te jashtëzakonshme në Gjenevë për të diskutuar mundësitë për frenimin e përhapjes së virusit Zika, për të cilin nuk ekziston ende asnjë kurë. Zyrtarët e OBSH-së e kanë kategorizuar këtë sëmundje në të njëjtën kategori si atë të Ebolas. Ekspertet kane shprehur shqetësimin e tyre në lidhje me përhapjen e shpejtë të këtij virusi me pasoja tepër të rënda veçanërisht për fëmijët. Zika qe përhapet nga mushkonja ka prekur 20 shtete dhe ka shkaktuar probleme neurologjike tek foshnjat, ndonëse ne shumicën e rasteve tek te prekurit nuk shfaqen simptoma. Gjate këtij viti pritet qe virusi te shkaktoje 4 miliona raste infektimi.
