Zinedine Zidane dhe Kristiano Ronaldo janë fituesit e mëdhenj te mbrëmjes se paharrueshme te 3 qershorit te finales se Uefa Champions League. Kristiano me golat 104-105 ne karriere ne kete kompeticion, por edhe francezi qe brenda 16 muajve ne stolin e Realit koleksionoi titullin e dyte europian dhe radhazi madje, gjë qe nuk e kishte arritur askush me pare. Dhe komplimenti kryesor ka ardhur nga Florentino Perez, i cili ka deklaruar se Zidane mund te qëndrojë përjetë ne krye te Realit te Madridit. Megjithatë, francezi mbetet me këmbë ne toke dhe arrin te realizoje si trajner atë qe nuk e kishte realizuar si futbollist me Juventusin. Te fitoje dy finale te Uefa Champios League me Realin, ndërkohë qe me Juventusin i kishte humbur dy te tilla. Pas ndeshjes, Zidane ka deklaruar se ishte thjesht i lumtur:
“Ekstremisht i lumtur. Ishte një vit spektakolar. Nuk mund te kisha ëndërruar nje gje me te mire. Ne fituam kampionatin ne ndeshjen e fundit fare, e po ashtu është shume e vështirë te shkosh ne finalen e Champions dy here rresht. Ne ja dolëm. Luajtëm nje ndeshje te madhe, pjesa e pare ishte e veshtire, por ne te dytën ne ishim superiore. Ne ushtruam me shume presion dhe ishim fizikisht me te pranishëm, dhe aty e fituam ndeshjen. Kështu qe jam i lumtur.”
Allegri nga ana e tij ja ka vene fajin golit te dyte qe erdhi si pasoje e devijimit te gjuajtjes nga Khedira.
“Se pari nje kompliment per djemtë, për çfarë bene kete sezon. I jashtëzakonshëm, sa për ndeshjen nuk kemi qene kurrë favorite. Mendoj se goli i dyte qe pësuam na goditi. Edhe pse krijuam disa shanse, nuk arritëm te barazojmë, gjithsesi kemi nevoje te mësojmë ende. Por nuk mendoj se Juventusi ka mbyllur nje cikël. Bufon dhe Barzalji na duhen edhe sezonin tjetër. Juventus po rritet, po mëson, me disa lojtare te rinj, ne do te jemi edhe me kompetititve sezonin e ardhshëm te Champions”.
Ndërsa Ronaldo është thjesht i lumtur dhe i bindur se Topi i Arte është i tij.
“Një sezon fantastik, fituam kampionatin, jam golashënuesi me i mire ne Champions, te cilin e fituam për te dytin vit rresht, si askush me pare. Topi i peste i arte??? Te shohim, por po po, do e fitoj”.
Festa ka qene e shfrenuar ne ne Madrid dhe ne “Bernabeu” qe kishte hapur dyert per tifozët, ndërkohë qe ne sheshin San Marko ne Torino mund te kishte ndodhur nje tragjedi. 600 tifozë jane plagosur pas nje paniku qe ka përfshirë qytetaret qe po ndiqnin ndeshjen ne ekranet e mëdhenj dhe qe kane shtypur njeri-tjetrin ne ikje e sipër. Policia italiane po heton shkaqet e ngjarjes.
