Debutim Perfekt per Zinedin Zidane përpara 80 mije shikuesve ne Santiago Bernabeu ku Reali i Madridit shkatërroi Deportivo La korunjen 5-0. Askush nuk di te thotë se si mund te shkonte ndeshja, nëse Perez do te kishte shënuar ne minutat e para për miqtë, por me pas çdo gjë ka folur vetëm per madrilenet. E çel serine e golave Benzema dhe e mbyll po ai, ndërkohe qe Garreth Bale shënon nje hatrik te pastër brenda pjesës se pare. Dy here me koke dhe nje here me te majtën Uellsiani ben te tijin kështu topin e ndeshjes. Edhe Ronaldo mund te kishte shënuar, po Benzema u tregua me i sakte dhe ketë here portugezi ka mbetur pa gol ne një ndeshje ne La Liga.
Roma dhe Milan janë ndare ne paqe 1-1 ne Olimpiko, duke u dhëne frymëmarrje trajnerëve Garcia dhe Mihajllovic. Golat janë shënuar nga nje secili ne minute e 4 te çdo pjese. Te paret kaluan ne avantazh vendasit pas një goditjeje dënimi te Pjanic, ishte gjermani Antonio Rydiger qe çoi me force topin ne rrjete. Ne minute e 4 te pjesës se dyte Milan kundërpërgjigjet, por ketë here me koke, teksa Kucka shfrytëzon mire nje krosim te Hondes dhe barazon shifrat e takimit qe nuk ndryshuan deri ne fund.
Ne raundin e trete te FA kap Manchester United ka patur nevoje per nje thuajse mrekulli per te eliminuar inferioret e Shefilld United. Pas tentativave te pasuksesshme nga distance gjate gjithe takimit u desh te vinte minuta e 90 kur Memfis Depai depërton nga e majta dhe mbrojtësi i Shefilld Hamond e rrezon brenda zonës. Gjyqtari nuk heziton asnjë moment dhe akordon penallti. Pranë pikës se bardhe pergjegjesine e merr Uejn Runi qe godet fort dhe shenon. Manchester United kualifikohet per ne turin e katërt dhe i kursen vetes një ndeshje kthimi ne fushën e inferioreve te League One.
