Kosova dhe ne mënyre te veçante sporti i saj arrijnë tjetër sukses te jashtëzakonshëm. Federata e Futbollit është anëtare me te drejta te plota ne FIFA, nje arritje historike qe i hap dyert pjesëmarrjes ne eliminatoret per kupën e botes Rusi 2018. Kongresi i 66 I FIFA-*s i mbajtur ne Meksiko City votoi me 141 vota pro dhe vetëm 23 kundër, per anëtarësimin e Kosovës ne organizatën me te madhe te futbollit botëror, vetëm pak dite, pasi kjo federate ishte pranuar edhe ne UEFA. Pritshmëria per anëtarësimin e Kosove ne FIFA ishte e madhe, por duhet theksuar se marrja e 141 votave pro mund te konsiderohet nje sukses edhe me i madh. Ne fakt ne votim morën pjese vetëm 164 nga 209 federata anëtare dhe kjo ia beri me te lehte Kosoves, se cilës në këtë rast i nevojitej shumica e thjesht prej 83 votash, pavarësisht se ajo në fund mori 58 vota më shumë sesa minimum. Përpara se te zhvillohej votimi presidenti i Federatës Kosovare të Futbollit Fadil Vokrri bëri një pasqyre te historisë se futbollit të këtij vendi, duke i bërë apel vendeve anëtare për të votuar pro, ndërsa Xhani Infantino kreu i FIFA-s deklaroi se institucioni që ai drejton do të ndihmoje financiarisht vendet e pazhvilluara për zhvillimin e futbollit dhe në mënyrë të veçante infrastrukturës së tyre. Serbia ashtu sikurse edhe ne rastin e pranimit në UEFA- doli kundër pranimit të Kosovës në FIFA. Lajmi nga Meksika për anëtarësimin e Kosovës në FIFA, është përcjell me entuziazëm me përfaqësues të shtetit kosovar. Presidenti Hashim Thaçi reagoi në facebook duke shkruar se ne 25 vite Kosova i kishte dhënë shume kombëtareve te tjera, tashme ata e kane vendin tek kombëtarja e tyre. Urimet per ketë sukses i shprehen edhe kryeministri Isa Mustafa dhe kreu i kuvendit Kadri Veseli, ashtu sikurse edhe kryeministri i Shqipërisë Rama. Lajmi solli entuziazëm te madh ne ambientet sportive te Kosove. Ndërkohe FIFA beri te ditur se i takon UEFA-s qe te hedhe short per te përcaktuar se ne cilin grup te kualifikuesve per botërorin 2018 do te përfshihen Kosova, por edhe Gjibraltari qe gjithashtu edhe anëtarja me e re e FIFA-s. Këto dy përfaqësuese do te përfundojnë mes grupeve H dhe I te cilat janë te vetmet me 5 ekipe ne grup.
