Këngëtari i famshëm Ricky Martin ka publikuar në “Instagram” një video ku i bën thirrje të gjithëve për të gjetur një nga vëllezërit e tij të humbur në Porto Rico, gjatë Uraganit Maria.
“Jam shumë i shqetësuar sepse nuk po arrij të kontaktoj me një nga vëllezërit e mi, nuk dimë se ku është” – ka thënë Martin.
Kjo është një situatë emergjente që nuk ka prekur vetëm këngëtarin por shumë banorë të tjerë të zonës.
Ricky Martin gjithashtu i ka bërë thirrje ndjekësve të tij që të kontribuojnë në fushatën e hapur për të ringritur edhe njëherë ishullin dhe për të ndihmuar viktimat që shkaktoi ky uragan i fuqishëm.
