Janë paraqitur në komisariatin e policisë në Elbasan, tre vajzat e zhdukura mesnatën e së premtes nga Pogradeci. Menjëherë pas denoncimit të babait të dy të zhdukurave, në Elbasan janë paraqitur tre të miturat për të qetësuar situatën.
Bashkim Çollaku kishte njoftuar për largimin e tyre në polici. Të dyja vajzat 14 dhe 16 vjeç ishin zhdukur së bashku me fqinjën Barçi, edhe ajo 16 vjeç. Motrat Bleona dhe Lorena kanë kaluar një natë para se të zhdukeshin nga fshati i tyre i thellë në krahinën e Mokres në Pogradec.
Të miturat po merren në pyetje, ndërsa ende nuk bëhet i ditur shkaku i largimit të tyre nga fshati Selcë e poshtme e Pogradecit. Lidhjet përmes rrjeteve sociale nuk përjashtohen si motive.
