Tym i bardhë mbi Kapelën Sistine! Kisha Katolike ka tashmë një Pap të ri. Robert Francis Prevost u shfaq në ballkonin me pamje nga Sheshi i Shën Pjetrit.
Mijëra besimtarë në Shesh shpërthyen në lot, lutje dhe duartrokitje
133 Kardinalë morën pjesë në Konklavën e zhvilluar në kushte të rrepta sigurie dhe izolimi.
Pas disa raundesh votimesh pa rezultat, që mbajtën besimtarët në pritje, Kardinalët arritën shumicën e nevojshme prej dy të tretash – të paktën 89 vota – duke zgjedhur pasardhësin e Papa Franceskut.
Procesi nisi më 7 maj me meshën solemne të udhëhequr nga Kardinali Giovanni Battista Re, në Bazilikën e Shën Pjetrit.
Më pas, kardinalët u drejtuan drejt Kapelës Sistine, ku bënë betimin për ruajtjen e sekretit absolut.
/vizionplus.tv
