Katër kandidatë të tjerë kanë dorëzuar pranë KQZ këtë të martë formularët e dekriminalizimit për të marrë mandatin e deputetit.
Mësohet se ka dorëzuar formularin e dekriminalizimit Eridola Braha, kandidatja e LSI në qarkun e Gjirokastrës.
Braha aktualisht është kryetarja e LSI në Tepelenë.
Po ashtu ka shprehur dëshirën për të marrë mandatin e deputetit nga radhët e LSI edhe Elda Hoti. Hoti ishte kandidate e LSI në qarkun e Lezhës.
Por krahas LSI, kanë shprehur dëshirën edhe dy kandidatë të PD. Ata janë Majlinda Halilaj dhe Ligoraq Karamelo.
Halilaj ishte kandidate e PD në qarkun e Tiranës ndësa Karamelo në qarkun e Korçës.
Këtë të martë do betohen në Kuvend për të marrë mandatin katër kandidatë nga radhët e LSI.
