Pas Tiranës, Komisioni Qendror i Zgjedhjeve ka zhvilluar në Kukës testimin e dytë të verifikimit dhe regjistrimit elektronik të zgjedhësve në votime.
Ky proces pritet të aplikohet në qarkun e Kukësit në zgjedhjet e 25 prillit. Në ambientet e improvizuara si qendër votimi, kanë marrë pjesë mbi 50 persona, që i janë nënshtruar testimit paraprak të procesit.
Lealba Pelinku, nënkomisionere shtetërore e zgjedhjeve tha se testimi për verifikimin dhe regjistrimin e votuesve në kushte normale rezultoi me sukses. Në dy testimet nuk ka patur kontestime apo kundërshtime nga subjektet politike.
