Prishtina zyrtare hodhi poshtë kërkesën që autoritetet serbe i drejtuan OSBE-së dhe jo qeverisë së Kosovës , që të përfshihet në mbledhjen e votave të serbëve që kanë shtetësi të dyfishtë për zgjedhjet parlamentare në Serbi që mbahen mw 17 dhjetor.
Ekzekutivi njoftoi se kjo kërkese nuk do të merret parasysh nga autoritetet, për faktin se qeveria e Kosovës ka kërkuar që për tw lejuar mbajtjen e zgjedhjeve të Serbisë edhe në Kosovë, duhet të ketë një marrëveshje të veçantë ndërmjet Prishtinës dhe Beogradit.
Ky vendim eshte mbeshtetur edhe nga deputeti i PDK-se Hajdar Beqa.
DEPUTETI I PDK-SE
HAJDAR BEQA
“Në rrethanat pas 24 shtatorit, kemi pa komplotin që e ka organizuar Serbia, ku u vra polici (Afrim Bunjaku) dhe u plagosët policë të tjerë dhe që u sulmu integriteti i shtetit tonë, mendoj se nuk ia vlen as të diskutojmë, pasi nuk duhet të mbahen zgjedhjet e Serbisë në Kosovë. Nuk ka një bashkëpunim të mirëfilltë sa i përket mbajtjes zgjedhjeve ose jo”.
Nga ana tjeter ish-kryetari i Komisionit Qendror Zgjedhor Mazllum Baraliu ka deklaruar se qëndrimi i institucioneve të Kosovës në këtë rast është parimor.
“Serbia duhet të kuptoj se tani më duhet të paktën në segmente të caktuara kur ka interesa, siç është rasti tash që iu duhen vota të qytetarëve serb në Kosovë, të respektoj kërkesën e qeverisë. Ajo nuk është asgjë më shumë apo më pak siç janë parimet dhe rregullat e të drejtës ndërkombëtare që kërkojnë respektimin e sovranitetit të një shteti”,
Kjo praktike eshte lejuar nga autoritetet e Kosovës deri vitin e kaluar. Misioni i OSBE-së ka bërë të ditur se megjithatë, ai mbetet i gatshëm të mbështesë mbledhjen e votave, ashtu si ka vepruar edhe në rastet e mëparshme.
