Kjo e premte do të jetë një ditë me rëndësi për futbollin botëror. Kongresi i FIFA-s do të votoje për presidentin e ri te qeverisë së futbollit botëror, pasuesin e Sep Blater i dorëhequr vitin e kaluar pas disa skandaleve që goditen këtë institucion. Njeri prej kandidateve Giani Infantino nuk e fsheh entuziazmin e tij për këtë garë, teksa pohon se e ndien veten shumë afër triumfit të madh ne karrierën e tij për të qenë ai pasuesi i Blater. Infantino, i cili deri tani ka mbajtur pozicionin e sekretarit të përgjithshëm të UEFA-s vendosi të garojë menjëherë sapo kandidatura e presidentit të UEFA-s Platini u ndalua nga komiteti etik. Zvicerani Infantino pak kohë më parë mori mbështetjen publike të shumë federative europiane te vendeve të Ballkanit dhe disa federatave europiano lindore. Ndërsa së fundmi ka qenë edhe në Afrike, ku gjithashtu pohon se do të marrë shumë vota. “ Do të bëj bingo në Afrike. Kam mazhorancen e votave të presidenteve të federatave të këtij kontinenti. Kam folur më shumicën prej tyre. Jam besimplote, nuk kam asgjë për të fshehur në këtë drejtim”. 46 vjecari me origjine italiane pranoi se vijon të konsultohet për fushatën e tij me Michel Platini megjithëse ky i fundit është pezulluar nga komiteti etik. Infantino që ka qenë numri dy i UEFA-s që nga 2009 do të ketë si rival të fortë princin jordanez Ali Hysein, sheikun nga Bahreini, Salman Al Khalifa qe drejton konfederatën aziatike te futbollit, biznesmenin afrikano jugor Tokyo Sexwale, dhe ish-zyrtarin e lartë të FIFA-s Jerome Champagne.

 

 

 

 

Leave a Reply

Your email address will not be published.