Zgjedhjet e parakohshme nuk e zgjidhin krizën në Kosovë. Deklarata është bërë nga zëdhënësi i Ambasadës Amerikane në Prishtinë, Filip Drewry, i cili vuri theksin te dialogu mes palëve. Duke folur në një intervistë për të përditshme “Koha Ditore”, zyrtari i selisë diplomatike në Kosovë, tha se mbajtja e një procesi te hershëm zgjedhon nuk do të ndryshonin asgjë nga qeverisja aktuale. Përfaqësuesi i Ambasadës Amerikane u bëri thirrje palëve të marrin pjesë në tryezën e thirrur nga presidentja e vendit.
“Së pari, ne lavdërojmë presidenten Jahjaga dhe liderët e partive politike që u bënë bashkë sot për të nisur kërkimin për një zgjidhje të bllokimit aktual politik, dhe u bëjmë thirrje partive politike që të vazhdojnë dialogun për të gjetur një rrugë përpara në interesin më të mirë të qytetarëve të Kosovës.”
Te hënën zonja Jahjaga priti në një takim kryeministrin Mustafa e Zv/ndësin e tij Thaçi, si dhe përfaqësuesin e vetëm të opozitës, Ramush Haradinaj nga AAK. Ky i fundit përsëriti pas takimit se opozita kërkon zgjedhje te reja dhe se protestat nuk do te ndalen.
