Zgjedhjet parlamentare dhe lokale në Serbi do të mbahen më 21 qershor. Kjo është bërë e ditur nga presidenti serb Aleksandar Vuçiç.
Ky vendimi është marrë këtë të hënë pas një takimi të presidentit të Vuçiç me përfaqësuesit e partive politike. Ai u shpreh se është e rëndësishme që të sigurohet një atmosferë demokratike pas kësaj kohe të vështirë dhe të zgjidhet një udhëheqës që do t’i shërbejë interesave të qytetarëve serbë.
“Zgjedhjet parlamentare dhe lokale në shumicën e qeverive lokale në Serbi do të mbahen në 21 qershor. I uroj të gjithë pjesëmarrësve një fushatë të mirë, sukses në zgjedhje, që ata të jenë të kënaqur me punën e tyre dhe mundësinë për të paraqitur planet dhe programet e tyre”, ka shkruar Vuçiç.
