Qeveria e Kosovës pas zgjedhjeve të 28 dhjetorit do të krijohet përmes një koalicioni. Kështu është shprehur analistja Alma Lama, në një intervistë për Vizion Plus, teksa shtoi se Lëvizja Vetëvendosja do të pësojë një rënie të votave në këto zgjedhje të jashtëzakonshme.
Lama më tej theksoi se edhe nëse qeveria do të formohet përmes koalicionit, Kosova do të kalojë një tjetër krizë politike, atë të zgjedhjes së presidentit të ri.
Lexo edhe :
“Mendoj që rezultatet do të jenë të ndryshme. Do ketë një rënie të VV dhe subjekteve të tjera e që do bënte të mundur krijimin e një koalicioni. Një rikonfigurim është i nevojshëm për koalicion. Pas zgjedhjeve, ngërçi do kap edhe zgjedhjen e presidentit dhe kjo do jetë sfida më e madhe sepse do nevojiten 2/3. Ky është perceprimi im nga ato që dëgjoj”, tha Lama.
Analistja më tej, theksoi se fushata elektorale e këtyre zgjedhjeve nuk ka pasur asnjë gjë të re, konkrete dhe me interes, siç është situate në veri apo dialogu politik.
“Është përsëritja e fushatës së zgjedhjeve të kaluara. Rritja e pagave, investimet në ekonomi etj dhe nuk është folur për çështje të rëndësishme ndërkombëtare apo dialogun apo çështja në veri të Kosovës”, shtoi Lama./vizionplus.tv
