Presidentja e Kosovës, Vjosa Osmani do të takohet sot me partitë politike për të diskutuar për datën e zgjedhjeve lokale. Ky vendim duhet te merret katër muaj para procesit zgjedhor. Kryeministri i Kosovës, Albin Kurti, në pozitën e kryetarit të Lëvizjes Vetëvendosje, ishte i pari qw u takua me presidenten.
Partia e parë që do të zhvillojë takim me presidenten është Aleanca për Ardhmërinë e Kosovës.
Ndërkohë, KQZ ka sqaruar procesin e verifikimit të kandidatëve që do të garojnë.
VALMIR ELEZI
ZËDHËNËSI I KQZ-së
“Me qëllim të verifikimit të kandidatëve që duan të certifikohen në garën për kryetar komune apo për kuvende komunale, KQZ-ja do t’i drejtohet disa institucioneve të ndryshme. Pra, Komisioni Qendror i Zgjedhjeve, në kohën pra kur të vijë periudha e certifikimit të kandidatëve që duan të kandidojnë që duan të garojnë në zgjedhjet lokale qoftë për kryetar komunë qoftë apo për kuvende komunale do të veprojë njëjtë sikurse për zgjedhjet e parakohshme parlamentare të cilat janë mbajtur më 14 shkurt”
Në zgjedhjet lokale të vitit 2017, në garën për kryetar Komune morën pjesë 204 kandidatë.