Vendet e rajonit dhe kryesisht zonat malore dominojnë në zgjedhjet e shqiptarëve për të kaluar festat e fundvitit. Mavrov, Kolashin apo Brezovicë për shkak edhe të afërsisë si dhe çmimeve të pranueshme, janë zgjedhjet e para.
Për shkak edhe të hyrjes në treg të kompanive loë cost, me çmime të lira, Budapesti është kthyer në një destinacion interesant, duke përfshirë në tur edhe Pragën apo Vjenën.
Ndërsa sa i përket destinacioneve, brenda vendit si Korça dhe Shkodra me fshatrat e tyre turistik, do të vijojnë të mbajnë peshën kryesore në zgjedhjet e qytetarëve për të festuar. Agjentët turistik thonë se kërkesa për jashtë vendit vijon të mbetët në të njëjtat nivele pa tendenca rritëse apo rënie.
