Ka nisur procesi i numërimit në bashkinë e Tepelenës.
Kutitë e para që po numërohen janë votat e Nivicës, aty ku kishte qendrën e votimit vetë Gramoz Sako, kandidati i PS-së.
Ndërkohë në pritje janë për të nisur së shpejti Progonati dhe Sinanaj.
Në KZAZ e pranishme është edhe drejtuesja e qarkut të PS Mirela Kumbaro, kandidati socialist Sako si dhe përfaqësues të PS vendore.
Sipas të dhënave të KQZ, për Bashkinë e Tepelenës, kanë shprehur interes 34.63% e qytetarëve, ose e thënë ndryshe 2488 nga 7184 zgjedhës në total.
Gara në këtë bashki është mes Gramoz Sakos nga mazhoranca dhe kandidatit të pavarur Gabriel Guma i cili ka marrë mbështetjen e demokratëve.
/vizionplus.tv
