Rezultati i zgjedhjeve të 11 majit i cili i jep mandatin e katër PS-së, ka qenë tema e diskutimit këtë të marftë në studion e Quo Vadis të moderatores Pranvera Borakaj.
I ftuar në studio gazetari Armir Shkurti tha se vota e diasporës nuk duhet lexuar, sipas tij ajo duhet anuluar.
Shkurti tha se ende pa siguruar ruajtjen e votës politika lejoi votimin e diasporës.
Pjesë nga biseda:
Shkurti: Vota e diasporës duhet anulluar. Unë jam pro votës së diasporës por jo në këtë formë. Vota e diasporës shkel pabarazinë e votës, shkel votimin në grup dhe nuk di protokollet që kanë ardhur, por të paktën me këto që vota e diasporës është një gabim. Nuk e di se kush duhet ta ngrejë këtë çështje, por për mua vota e diasporës duhet anulluar. Për mau do të ishte katastrofë më e madhe nëse do të ishte pjesëmarrje më e madhe.
Borakaj: Diheshin të gjitha këto elementi.
Shkurti: Po të gjithë e kanë bërë këtë. Janë publikuar në rrjete sociale. Një proces votimi duhet të jetë serioz. E bën Amerika me postë, por ne në Shqipëri nuk e ruajmë dot, ne nuk mbrojmë dot votat këtu jo atë që e ka në shtëpi, me nder teje ai e ka votën në banjë dhe e lexon si gazetë.
