Presidenti i Ukrainës, Volodymir Zelensky, ka uruar Partinë Socialiste dhe Edi Ramën për fitoren në zgjedhjet e 11 majit.
Me anë të një reagimi në rrjetin social “X”, Zelensky faklenderon ramën për mbështetjen e qartë dhe të palëkundur mbi nevojën për paqe të qëndrueshme për Ukrainën, e cila mund të arrihet nëpërmjet një armëpushimi të plotë dhe pa kushte.
Urimi i Zelenskyt:
Urime @ediramaal dhe Partisë Socialiste për fitoren bindëse në zgjedhje. Ju uroj suksese në shërbimin ndaj popullit shqiptar.
Ne e vlerësojmë qëndrimin tuaj të qartë dhe të palëkundur mbi nevojën për paqe të qëndrueshme për Ukrainën, e cila mund të arrihet nëpërmjet një armëpushimi të plotë dhe pa kushte.
Pres me padurim forcimin e mëtejshëm të marrëdhënieve miqësore midis vendeve tona në të mirë të të dy kombeve tona.
Gjatë ditës së sotme, Rama ka marrë urime dhe nga homologu i tij spanjoll, Pedros Sanchez, kryeministrja italiane Giorgia Meloni dhe presidenti i Ukrainës Volodymyr Zelensky.
