Kreu i Kuvendit dhe njëkohësisht drejtuesi politik i PS për qarkun e Fierit, Gramoz Ruçi kërkon nga KQZ që të garantojë barazinë e garuesve në zgjedhjet e 25 prillit.

Gjatë fjalës së tij, ai deklaroi se PD ka shkelur Kodin Zgjedhor, duke vendosur 24 kandidatë nga 18 që lejohen.

“Siç edhe dihet skuadra e Fierit ka 18 kandidatë, duke respektuar të gjitha rregullat, e theksoj këtë sepse duhet tu bëj një apel KQZ-së dhe subjekteve politike. Duhet të jenë të barabartë në numrin e kandidatëve, sepse siç kemi marrë vesh në media, në qarkun e Fierit kanë tentuar të kandidojnë 24 kandidatë.  Ekipi i Fierit ka një moshë tek 48-a, nuk është faji i këtyre sigurisht, është faji i moshës time, kemirespektuar standartet e ndarjes gjinore, kemi ekonomistë, inxhnierë, jjuristë, mësues, agronomë, veterinerë dhe një mjek dentist.”

Nga ana tjetër, Erion Braçe u shpreh i bindur se socialistët do të marrin 11 mandate në këtë qark.

“Pa më të voglin diskutim që bindja jonë e ka një bazë për 11 mandate. Baza është puna jonë në 8 vite dhe difierenca mes nesh dhe kujtdo që ka zbritur në territor për tu përballur me njerëzit. Diferenca mes atyre që bëjnë dhe atyre që premtojnë, harrojnë dhe zhduken. Duam të na vlerësojnë vetëm për atë që kemi bërë. Ne jemi këtu, nuk lëvizim nuk ndërrojmë zona. Jemi këtu, në këtë periudhë të vështirë për ta, të vështirë për buxhetin, për vështirë për të gjithë. Këtu është ekonomia më e madhe bujqësore e vendit, këtu diferenca është edhe më e madhe.”

Leave a Reply

Your email address will not be published. Required fields are marked *