Zgjedhjet lokale për kryetar bashkie në Peshkopi do të mbahen më 11 shtator. Data është publikuar me një dekret të presidentit të vendit Bujar Nishani, në faqen zyrtare te Presidencës. Ky proces në qarkun e Dibrës do të mbahet pas shkarkimit të kryetarit Shukri Xhelili pas publikimit te videoskandalit me nje 20-vjeçare, të cilës i kishte ofruar punë në këmbim të favoreve seksuale. Mbi Xhelilin rendojnë akuzat e “shpërdorimit të detyrës” dhe “korrupsion pasiv i personave qe ushtrojnë funksionet publike”.
