Ndërsa numërimi mbrapsht i ditëve ka nisur në Britaninë e Madhe për referendumin e 23 qershorit lidhur me qëndrimin ose daljen nga BE-ja, kryeministri David Kameron thekson se vendi i tij përballet me një zgjedhje ekzistenciale. Në një shkrim për “The sunday telegraph”, kreu i qeverisë ka paralajmëruar se Britania mund të hyjë drejt një krize politiko-ekonomike që nuk ka kthim pas. Megjithatë ai shprehet se e ndjen që britanikët do të zgjedhin vizionin e te ardhmes krahasuar me atë të së shkuarës.
“Në do të zgjedhim mes modelit te ndarjes apo atij të bashkimit. Do të zgjedhim të jemi tolerantë, liberal, një shtet që nuk bën përgjegjës grupe të caktuara për problemet e tij, një që nuk sheh pas por është vizionar, me shpresë optimizëm dhe konfidencë. Unë besoj se përgjigja do të jetë e matur dhe do reflektojë atë që qytetarët tanë besojnë prej kohësh tashmë.”
Lobimi për qëndrimin në BE, javën e kaluar i kushtoi jetën një deputeteje laburistë, e cila u qëllua për vdekje nga një neonazist. Me herët, dhjetëra intelektual, përfshi dhe fituesit britanik te çmimit Nobel kane bere thirrje per nje vote pro qëndrimit ne BE, pasi vendi te përballej me pasoja te renda ekonomike dhe sociale. Referendumi ne Britani do te mbahet ditën e enjte.
