Qe Donald Trump është nje nga kandidatet me te sulmuar për president te SHBA, per shkak te qëndrimeve te tij per disa çështje tashme është fakt, por nje grup kërkimor dhe analitik britanik shkon me tej kur paralajmëron se zgjedhja e tij ne kete post do te ishte nje nder 10 rreziqet me te medha me te cilat do te përballej bota. Ne raportin e “Economist Intelligence Unit” theksohet se kandidati me i favorizuar mes republikaneve, do ta shkatërronte ekonominë globale dhe do t’i shtonte rreziqet politike dhe të sigurisë në Shtetet e Bashkuara. Ky konsiderohet skenar me i keq edhe se dalja e Britanisë nga BE, apo ndonjë përplasje e armatosur ne detin e Kines Jugore. Ne vlerësimin global te rreziqeve, ky grup tërheq vëmendjen se Trump ka dhene pak detaje per politikat e tij, e qe ndryshojnë vazhdimisht. Ne nje nivel renditjeje nga 1 ne 25 vlerësimi i Trump vendoset ne te njëjtin nivel rreziku me ndikimin qe do te ketë ne destabilizimin e ekonomisë, terrorizmi xhihadist. E ndërsa është sulmuar edhe nga figura te rëndësishme te republikaneve per përfshirjen ne garën per president, biznesmeni multimiliarder ka paralajmëruar se mbështetësit e tij do te protestonin, nese do t’i mohohej kandidimi. Ai ka folur per përleshje te mundshme nëse do te siguronte numrin e nevojshëm te kandidateve per ne konvente, por partia nuk do ta lejonte.
