Nga nesër deri ne datën 9 korrik parlamenti duhet te filloje procedurën per zgjedhjen e presidentit te ri te republikës. Ky është mendimi i Drejtorisë Juridike pranë Kuvendit te Shqipërisë, e cila nëpërmjet nje memoje drejtuar kryetarit te parlamentit ka analizuar kushtetutën dhe ligjin per zgjedhjen e kreut te ri te shtetit. Ne ketë memo sugjerohet se “procedura per zgjedhjen e presidentit pasardhës qe do te zëvendësoje presidentin ne detyre, Bujar Nishani duhet te filloje; jo me vone se data 9 korrik 2017, por jo me herët se data 13 prill 2017”. Tashme i takon kryetarit te parlamentit Ilir Meta qe te thërrasë kryetaret e grupeve parlamentare, per te miratuar kalendarin e sakte te seancave për votimin e presidentit te ri.
