Nëpunësit e doganave të të gjithë Greqisë kanë filluar prej mëngjesit të së premtes një grevë, e cila është vendosur te zgjatet deri të hënën në mëngjes. Greva ka shkaktuar problem në qarkullimin e shtetasve shqiptarë, apo emigrantëve që lëvizin ne të gjitha pikat me Greqinë. Ata kalojnë vetëm si këmbësorë dhe agjencitë e udhëtimit e kanë zgjidhur problemin, duke çuar pasagjerët deri në doganë, e duke vënë në dispozicion në anën tjetër të kufirit një mjet tjetër të kompanisë. Përjashtim do të bëhet vetëm për këmbësorët, si edhe për ndonjë rast emergjent të paraqitur.
