Dy jave nga përfundimi i Zenith i Shën Peterburg hoqi dore si nga titulli, ashtu dhe nga pjesëmarrja ne Uefa Champions League sezonin e ardhshëm. Ne stadiumin “Petrovski”, skuadra e Andre Villas Boas nuk shkoi me shume se barazimi 1-1 me Lokomotiv te Moskës, duke qëndruar ne vendin e trete ne renditje, tre pike me pak se kryesuesit e CSKA dhe një larg vendit te dyte Rostov. Ne takimin e transmetuar drejtpërdrejt ne platformën Tring Hd, u duk se do te ishte një ndeshje e lehte për te zotet e shtëpisë, kur gjeten rrjetën qe ne minutën e 10 te takimit. Dzuyba u pengua ne zone nga qendërmbrojtësi Mikhalik dhe mes protestave te moskovitëve, gjyqtari kryesor beri me dore nga pika e bardhe e penalltisë, te cilën e ktheu ne gol braziliani Hulk. Gjithsesi pavarësisht golit te pësuar, miqtë u hodhën ne sulm duke pare edhe problemet ne qendër te mbrojtjes se Zenith pas mungesave kryesore si Lamberts dhe Garay. Dhe ne minutën e dyte te shtesës ne pjesën e pare arritën te fitojnë nje penallti. Ne nje inkursion nga krahu i majte Zhemaletdinov u pengua ne zone nga braziliani Maurico, ndërsa nga pika e bardhe kapiteni Samedov mposhti portierin Lodigin. Kampionet ne fuqi rriten presionin gjate pjesës se dyte, duke pasur disa raste te pastra si me Hulk ashtu dhe me Oleg Shatov, por pa arritur te shënonin golin e fitores. Edhe pse gjyqtari dha gati 9 minuta shtese pas incidentit, ne fund mes lojtareve rezultati nuk ndryshoi dhe tashme Zenitit i duhet nje mrekulli per nje ndalese te rivaleve te tij per te shpëtuar sezonin, titull ose pjesëmarrje ne Champions vitin e ardhshëm.
