“Bota duhet të pranojë zyrtarisht se Rusia është bërë një shtet terrorist”.
Presidenti ukrainas Volodymyr Zelensky e deklaroi një gjë të tillë në një video-fjalim të shpërndarë gjatë natës duke përsëritur thirrjen e tij për më shumë sanksione kundër Moskës, më shumë armë për Ukrainën dhe vendosjen e zonës së ndalim-fluturimit.
Sipas tij, prioritetet e qeverisë ukrainase në negociatat me Rusinë “janë absolutisht të qarta: fundi i luftës, garancitë e sigurisë, sovraniteti, rivendosja e integritetit territorial, garanci reale dhe mbrojtje për vendin tonë”.
