Presidenti ukrainas, Volodymyr Zelensky pret që Konferenca e Sigurisë e Mynihut të ofrojë ndihmë të mëtejshme ushtarake për Kievin, ndërsa Ukraina lufton kundër pushtimit rus.
“Ka patur deklarata të rëndësishme nga liderët botërorë në mbështetje të shtetit tonë dhe ka sinjale për armë më të fuqishme për mbrojtjen tonë”, tha Zelensky gjatë një fjalimi dje në mbrëmje.
“Kjo vlen veçanërisht për raketat me rreze më të gjatë”, tha ai.
Duke iu referuar bisedimeve që po zhvillohen aktualisht në Mynih, ai tha se deklaratat e liderëve e bëjnë të qartë se lufta e Moskës kundër Ukrainës mund të përfundojë vetëm me humbjen e agresorit.
Zelensky tha gjithashtu se ishin arritur marrëveshje konkrete me partnerët për ta vendosur Rusinë përballë përgjegjësisë për pushtimin.
Zelensky komentoi gjithashtu sulmin e fundit raketor të Rusisë që goditi vendin dje gjatë ditës.
“Raketat shkaktuan ndërprerje të shkurtra, afatshkurtra të energjisë”, tha ai.
“Ky është një sukses i rëndësishëm simbolik për Kievin, duke pasur parasysh se Rusia është përpjekur të shkatërrojë infrastrukturën energjetike të Ukrainës përmes sulmeve të rregullta raketore që nga tetori”, tha Zelensky.
